اشلون جفك ياكل اعليها التراب
ماصدق واقتنع هذا يصير
وانته حتي ابدفنتك يبن الكرام
امخلي جفك بره واتولكل الفقر
من نعومة ظفرك او كلك عطاء
صايم اثلاثه واكل حصتك أسير
اومن كثر ايثارك أثرت الهوا
حتي شهقاتك أقل امن الزفير
ابظاهرك ننظر شخص جدا بسيط
لاجن ابعناك بس الله الخبير
لابس اعله الصوف عز الأنبياء
(اللهم صل علي محمد وال محمد)
اوغيرك الذله لبسها اعله الحرير
جامع الضدين بيك اشراح اقول
ابجف جهنم شايل او جف زمهرير
ابليل سلمك شبعت بطن الجياع
اوشبعت سيفك زلم ليل الهرير
مستحيل ايطير شيء ابلا جناح
لاجن اعليك الامر سهل او يسير
راس خصمك سيدي بيوم النزال
ابلا جناح ابضربه من سيفك يطير
الحاج الملا باسم الكربلائي-ولادت امام حسن-رمضان-ملاباسم
