عالقاع قرآن محبوس
مفروض ينشال عالروس
جثمان معصوم معقول ينشال
بأحقاد عدوان وچفوف حمّال
منشاف مسموم مگيود بأغلال
والله ماصار يا ناس هالحال
لتگول ماجوه اعزاز
موجود عباس جنّاز
رفعوه أقمار وشموس
قران مسجون وابليس سجّان
شنگول واناس عُبّاد أوثان
من حول الدين ملفوف ثُعبان
و اختار تسليم لو موت فرسان
هيهات تنهان اشراف
وتخاف من عين سيّاف
بغداد برهان ملموس
حيطان اموات والباب مسدود
اشرار اخيار والخير مگيود
عالگاع أشباح وانسان مفگود
هاليوم ياسيف يا ثار مريود
هاليوم محتاج اثنين
سيفين عباس وحسين
ينطون هارون ادروس
قربان للبيت محروگه بيوت
مرسول مچتول بإيدين طاغوت
مينام النور بأحضان تابوت
والعاش مظلوم سُلطان يموت
ما مات من عاش دستور
كلّ يوم مذكور مشكور
و احرار لترابه تبوس
أفكار وعقول واحلام مجنون
غابات وذياب متريد قانون
والناس عميان وتشوف هارون
واحباب الله مذبوح مسجون
شيفيد تنكيل وعتاب
واليوم مقلوع يا باب
معتوه عالباب ايدوس
محجوب يا ثار والسيف محجوب
آهات وعتاب بدموع مكتوب
يا ثار الله وتغيب چم دوب
مابين مسموم مذبوح مسلوب
يا يوم ونشوف اعلام
زعلان وتروح للشام
دعواي مولاي محروس
دعواي كلّ يوم الغياب ميطول
ونصير حشدين وياك ونصول
ونشوف عالماي روّاي مچتول
عباس لو شاف رايات شيگول
عباس لو شاف حشدين
يگول محتاج چفين
ويعود عالگوم كابوس
حاج ملاباسم الکربلائی-شهادت امام کاظم
